பெருமைக்குரிய பெண் திலகங்கள்' புதிய நூல்கள் வெளியீட்டு விழா

ராஜகிரி : பாபநாசம் விவேகானந்தா தொண்டு நிறுவன அலுவலக வளாகத்தில், "இணையற்ற இந்தியர்கள்', "பெருமைக்குரிய பெண் திலகங்கள்' என்ற புதிய நூல்கள் வெளியீட்டு விழா அண்மையில் நடைபெற்றது.


  விழாவில், பாபநாசம் சட்டப்பேரவைத் தொகுதி உறுப்பினர் இரா. துரைக்கண்ணு புதிய நூல்களை வெளியிட்டு, சிறப்புரை ஆற்றினார்.

  கவிஞர் சுப. சிதம்பரம் நூல்களைப் பெற்றுக்கொண்டு பேசினார்.
  

விழாவில், கவிஞர் களப்பிரன், சோழன் மழலையர் தொடக்கப் பள்ளித் தாளாளர் சிவ. சண்முகானந்தம், ஓய்வு பெற்ற அலுவலர் சங்க செயலர் சுப்பு. தங்கராசன், ஓய்வு பெற்ற ஆசிரியர் சு. கலைச்செல்வன், தொண்டு நிறுவனத் தலைவர் சுசீலா சீனிவாசன், வர்த்தகர் சங்க பொறுப்பாளர் சு. பத்மநாபன் உள்ளிட்டோர் கலந்துகொண்டனர்.
 
  நூலாசிரியர் கவிஞர் குறள்பித்தன் ஏற்புரை ஆற்றினார். நிறைவாக சங்கச் செயலாளர் தங்க. கண்ணதாசன் நன்றி கூறினார்.