ராஜகிரியில் ரத்த தான முகாம் -23.01.11

ராஜகிரியில் ரத்த தான முகாம் ஞாயிற்றுக்கிழமை-23.01.11 நடைபெற்றது
தமிழ் நாடு தவ்ஹீத் ஜமாஅத்தின் ராஜகிரி, பண்டாரவாடை கிளைகள் சார்பில் நடைபெற்ற இந்த முகாமிற்கு அமைப்பின் தஞ்சாவூர் வடக்கு மாவட்டத் தலைவர் பி.எம். இம்தியாஸ் தலைமை வகித்தார், மாவட்ட மருத்துவ அணிச் செயலர் கே. காதர்மீரான் ராஜகிரி, பண்டாரவாடை கிளைத் தலைவர் ஏ. ஜபருல்லா, கிளைச் செயலர் எம். தாலிப்அலி ஆகியோர் முன்னிலை வகித்தனர். பாபநாசம் காவல் துறை உதவி ஆய்வாளர் ஆர். ராதாகிருஷ்ணன் சிறப்பு அழைப்பாளராக பங்கேற்று, முகாமைத் தெடக்கி வைத்துப் பேசினார்.

முகாமில் 10 பெண்கள் உள்பட 60 பேர் ரத்த தானம் வழங்கினர். தஞ்சாவூர் காளி ரத்த வங்கி மருத்துவர் ஐ. சண்முகசுந்தரம் உள்ளிட்ட மருத்துவக் குழுவினர் ரத்தம் பெற்றனர். முகாமில் கிளைப் பொருளாளர் எம். அப்பாஸ், வழுத்தூர் கிளைப் பொறுப்பாளர் ஏ.டி. அன்சாரி, பகுதிச் செயலர் குலாம், மண்டலத் தலைவர்கள் இலியாஸ், எஸ். அகமதுபரீத், அப்துல்வஹாப், முகமதுஅலி, உதவி மண்டலத் தலைவர் எம்.பி. காதர் ஒலி உள்ளிட்டோர் கலந்துகொண்டனர்.