மலேசிய மாணவ,மாணவிகளுக்கு ஆர்.டி.பி. கல்லூரியில சிறப்பு கணினிப் பயிற்சி

மலேசிய மாணவ,மாணவிகளுக்கு ஆர்.டி.பி. கல்லூரியில சிறப்பு கணினிப் பயிற்சி


பாபநாசம் ஆர்.டி.பி. கல்லூரியில் மலேசியா, கோலாலம்பூரிலுள்ள கஸ்தூரி இண்டர்நேஷனல் கல்லூரியில் பயிலும் மாணவ,மாணவிகளுக்கு சிறப்பு கணினி பயிற்சி அளிக்கப்படுகிறது. மலேசியாவின் கஸ்தூரி இண்டர்நேஷனல் கல்லூரி தனது மாணவ,மாணவிகளுக்கு சிறப்பாகக் கணினி பயிற்சியளிக்கத் திட்டமிட்டு அதற்காக,சிறந்த கல்லூரிகளை ஆய்வு செய்தது.

அப்போது பாபநாசம் ஆர்.டி.பி. கல்லூரியில் போதுமான கணினி வசதிகள், கட்டுமான வசதிகள், பி.எஸ்.சி., கணினித் துறையில் பாரதிதாசன் பல்கலைக்கழ தேர்வில் தொடர்ந்து 3 ஆண்டுகள் தங்கப் பதக்கம் வென்றது உள்ளிட்ட தகுதிகள் அடிப்படையில் இந்தக் கல்லூரி தேர்வு செய்யப்பட்டது.
கல்லூரி மாணவ, மாணவிகள் 18 பேருக்கு 70 நாள்களுக்கு கணினிப் பிரிவில் சிறப்பு பயிற்சி அளிக்கப்படுகிறது.